жаналыктар

• 20.08.2026 20 тамыз күні Спорт күніне орай "Спорт – сергектік пен салауатты өмір салтының кепілі!" атты
  Шахмет Құсайынов атындағы облыстық қазақ музыкалық-драма театрының ұжымы театр ауласында таңғы жаттығу өткізді.
• 19.08.2026 «Мектепке жол» Республикалық акциясы аясында
  "Жақсылық жаса — жүрекке жылу сыйла!" акциясы өтті
• 14.08.2026 "Спорт – денсаулық кепілі!" атты
  Жаңа жағалауында облыс әкімі Марат Мұратұлының қатысуымен бұқаралық спорттық іс-шара өтті.
• 10.08.2026 10 тамыз – ұлы ақын, ойшыл, ағартушы Абай Құнанбайұлының туған күніне орай
  «Ескендір» поэмасының оқылымы өтті.

БҮГІН ЖАЗУШЫ, ДРАМАТУРГ ШАХМЕТ ҚҰСАЙЫНОВТЫҢ ТУҒАН КҮНІ

БҮГІН ЖАЗУШЫ, ДРАМАТУРГ ШАХМЕТ ҚҰСАЙЫНОВТЫҢ ТУҒАН КҮНІ

Шахмет Құсайынов (1906–1972) Көкшетау облысы, Айыртау ауданы, қазіргі Қаратал ауылдық кеңесінде туған.
 
1929–1935 жж. аудандық және облыстық газеттердің редакцияларында түрлі қызметтер атқарған. 1936–1938 жылы Мәскеудегі А.В.Луначарский атындағы мемлекеттік театр өнері институтының режиссерлік факультетінде оқыған. Содан кейін Семей облыстық театрының көркемдік жетекшісі болды. Кейін Қазақ академиялық драма театрының әдебиет бөлімін басқарған. Соғыс жылдарында Алматыдағы Орталық біріккен киностудияда сценарий бөлімінің редакторы, содан кейінгі жылдары Қазақ КСР Ғылым академиясы өнертану секторының ғылыми қызметкері болады.
 
«Шабуыл» (1932), «Орақ үсті» (1935), «Шолпан» (1938), «Алдар Көсе», т.б. пьесаларын жазған. Соғыстан кейінгі жылдары «Аманкелді», «Көктемгі самал», «Еркежан», «Ертіс жағасында» және басқа пьесаларын көпшілікке ұсынды.
 
Кинодраматургия саласында В.Абызовпен бірге «Өжет қыз» музыкалы кинокомедиясының, тың туралы «Біз осында тұрамыз» фильмінің сценарийлерін жазысты. 
 
«Құрмет Белгісі» орденімен марапатталған.
 
Шығармалары: Сырымбет даласында. Таңдамалы пьесалар. А., «Жазушы», 1967; Үш томдық шығармалар жинағы. А., «Жазушы», 1986–1987.