«Абылай» С. Жүнісов

тарихи толғау http://kazdramteatr.kz/ «Абылай» С. Жүнісов

Авторы – С. Жүнісов

Қоюшы режиссері – М. Оспанов

Қоюшы суретші – М. Мақсұт

Қойылымның сюжеттік желісі, оқиғалық тартысы XVIII ғасырдың басындағы қазақ даласындағы жойқын ұрыс, жоңғар шапқыншылығына байланысты өрбиді. Жүз жылға жуық созылған қазақ-жоңғар, қазақ-қалмақ жорығының ақыры қазақ хандығының өз арасынан бөлініп, ата мекенді жау қолына берумен аяқталуға жақын қалған еді. Әз Тәуке хан дүниеден өткен соң, бұл мәселе тіпті қиындай түскені белгілі. Осы тұста тарих сахнасына Сабалақ деп жасырын аталынған Абылай сұлтан көтеріледі. Үш жүздің басын қосып, орта жүздің сұлтандығынан алты алаштың айбарлы ханына көтерілген Абылай хан исі қазақтың басын біріктіріп, қайтадан ілгері мемлекет деңгейіне жеткізді. Осылайша орыс, қытай империяларымен дипломатиялық тіл табысып, қазақ хандығының берік те бекем ел болуына өлшеусіз үлес қосқаны белгілі. Спектакльдің кульминациясы Абылай ханның ел тәуелсіздігі, оның болашағы үшін екі ұлын аталмыш екі империяға аманатқа табыстаумен аяқталады.