Премьера!!! "Қилы жол" Жабал Ерғалиев (тарихи драма)

Қазақстан Республикасының Тәуелсіздігінің 25 жылдығына орай Премьера!!! "Қилы жол" Жабал Ерғалиев (тарихи драма)

Авторы – Жабал Ерғалиев

Қоюшы-режиссері – Мұратбек Оспанов, ҚР еңбек сіңірген өнер қайраткері

Қоюшы-суретшісі – Ләйлә Набиева

Киім үлгілерінің суретшісі – Маймұра Топанбаева

Биін қойған – Гүлмира Ордабаева

Премьера – 6 наурыз 2016 жыл

 

Кейіпкерлер мен орындаушылар:

Әбілқайыр – Жарас Қалдаров

Керей – Төлеубек Көңбай

Жәнібек –  Бағлан Иманғазинов

Есенбұға – Қайрат Мырзаболатов

Үйсін Қастек би – Зүлкәпіл Батихан

Мір Мұхамед – Мейрамбек Мұхатай

Мір Сейтәлі – Асланбек Шайсұлтанов

Бақтияр сұлтан – Асылбек Ташимов

Жырау – Құмарбек Қалқатаев

Ақжол би – Самат Шаймерденов

Батыр Саян – Ержан Аубакиров

        

         ҚР парламенті сенатының депутаты, жазушы-драматург Жабал Ерғалиевтің «Қилы жол» тарихи драмасы Ш. Құсайынов атындағы облыстық қазақ музыкалық драма театрының 20 жылдығына орай арнайы сахналануда.

         Басты тақырыбы қазақ хандығының бастауында тұрып, қазақ мемлекетінің негізін қалаушы әйгілі тұлғалар Керей мен Жәнібек сұлтандардың қазақ халқын ұлт ретінде сақтап қалу, алдағы болашақты бағдарлау мақсатында Әбілқайырдың тепкінінен азат болу үшін   Шайбани мемлекетінен бөлініп, Шудағы Қозыбасы мекенінде Қазақ хандығын құрудағы алғашқы ұмтылыстары, жетістіктері, арпалыстары, өз халқын қилы жолдан алып жүрулері қойылымда көрініс табады. Ежелгі тарихтың ең маңызды кезеңдері аталған қойылымда жан-жақты көрінісі айқын көрсетілген.

         Қойылым жастарды отансүйгіштікке, ұлтжандылықа, ел жандылыққа тәрбиелеп, ұлы бабалардың ұлан-асыр ерлігін, теңдессіз еңбегін жас ұрпаққа дәріптейді.