жаналыктар

вход на сайт

Регистрация Забыли пароль?
20.03.2026

Ұлттық рух пен мәдениетті ұлықтайтын «Наурыз-2026» ұлттық сыйлығына

Сүйінші жаңалық! ????

Биыл ұлттық рух пен мәдениетті ұлықтайтын «Наурыз» ұлттық сыйлығына алғаш рет «Театр өнері» номинациясы енгізіліп, осы мәртебелі номинация бойынша Шахмет Құсайынов атындағы облыстық қазақ музыкалық-драма театры Ақжол Сәбиттің «Ортеке туралы аңыз» қойылымымен жеңімпаз атанды.
Бұл – биыл 30 жылдық белесіне қадам басқан театр ұжымы үшін үлкен жетістік әрі зор мақтаныш. Еліміздің ең ірі театрлары бақ сынаған байқауда оқ бойы озып, жеңімпаз атану – шығармашылық ұжым еңбегіне берілген лайықты баға.
Ұлттық өнер мен руханиятты дәріптеген «Ортеке туралы аңыз» қойылымының жеңісі – театр тарихындағы айтулы жетістіктердің бірі.
Театрымыздың мерейлі 30 жылдығы қарсаңында келген бұл марапат – ұжымға үлкен серпін беретін қуанышты жаңалық.
Айта кету керек театр 2025 жылы аталған қойылыммен қос бірдей халықаралық театр фестиваліне қатысып арнайы жүлделерге қол жеткізіп биік нәтижеге қол жеткізген еді. Алдағы уақытта да жеңісті күндеріміз көп болсын!