жаналыктар

• 17.03.2026 Шаңырақ күніне орай "Құлыншақ пен Бөлтірік" ертегісі
  авторы:Ж.Омаров, қоюшы-режиссері:Қ.Қасымов
• 16.03.2026 Премьера! Премьера! Премьера!
  "ОН ЕКІНШІ КҮН" комедиясы, авторы: Мар Байжиев, қоюшы режиссері: Төлеубек Көңбай
• 15.03.2026 15 наурыз – Қайырымдылық күні
  «Өтелмеген парыз» драмасы көрермен назарына ұсынылды.
• 14.03.2026 АМАЛ МЕРЕКЕСІ ҚҰТТЫ БОЛСЫН!
  Көрісу күні – татулық пен бауырмалдықтың, сыйластық пен ізгіліктің мерекесі.

XXVIII Театр маусымының ашылуы

XXVIII ТЕАТР МАУСЫМЫ АШЫЛДЫ

Көкшетаудағы өнердің қара шаңырағы Шахмет Құсайынов атындағы облыстық қазақ музыкалық-драма театры XXVIII театр маусымын Л.Разумовскаяның "Емтихан" драмасымен ашты. Қоюшы режиссері Тасқын Мәжитов. Театр маусымының ашылуымен тұстас келген ұстаздар мерексіне орай аталған қойылым білім саласының мамандарына тегін көрсетілді. Ұстаз бен оқушы арасындағы түрлі сезімдер мен түсініспеушіліктерді арқау еткен қойылым көрерменді терең ойға жетеледі.
Театр маусымының ашылуына орай театр қызметкерлері қызыл кілемнен өтіп сүйікті көрерменнің қошеметіне бөленді. Шара соңында Ақмола облысы мәдениет басқармасының басшысы Айгүл Баубекқызы мен Театр басшысы Жарас Шотбекұлы құттықтау сөз сөйлеп біршама театр қызметкерлеріне "Көшпенділер ойындарына" белсенді қатысқаны үшін Ақмола облысы әкімінің орынбасары Алтынай Байқадамқызының атынан алғыс хат табыстады.