18.05.2022

"ПІКІР АЛАҢЫНДА" КӨРЕРМЕНМЕН КЕЗДЕСУ ӨТТІ

      18 мамыр күні көрермен назарына "Алдаспан" драмасы ұсынылды. Қойылым авторы және режиссері Ерсайын Төлеубай. Қазақ жерінің тұтастығын сақтап қалған ұлтжанды азамат, қоғам қайраткері Жұмабек Тәшеновтің ерлігін әспеттейтін қойылым көрермен көңілінен шықты. Спектакльден соң арнайы көрермендер үшін пікір алаңы ұйымдастырылды. Пікір алаңында Бауыржан Момышұлын ойнаған артист, "ҚР Мәдениет қайраткері" Қайрат Мырзаболатов пен Жұмабек Тәшенев бейнесі арқылы кеңінен танымал артист, "ҚР Мәдениет қайраткері" Төлеубек Көңбайұлымен әсерлі жүздесу болды. Кездесу барысында театр артистері ойнаған рөлдері мен қойылымның негізгі өзегі жайлы сыр шертті.