18.04.2022

ПІКІР АЛАҢЫНДА ХАЛЫҚ АРТИСІ ЖІБЕК БАҒЫСОВАМЕН КЕЗДЕСУ ӨТТІ

2022 жылдың 17 сәуір күні "Алло, мама..." драмасы көрермен назарына ұсынылды. Авторы: Барзу Абдураззаков, режиссері Тасқын Мажитов. Қойылымдағы қарт Ананың рөлін сексеннің сеңгіріндегі Халық артисі Жібек Бағысова ойнаса ұлының бейнесін театр актеры Еркебұлан Төлеуов сомдады. Халық артисі ойнаған қойылымға деген көрерменнің ықылас - қошеметі ерекше болды. Спектаклден кейін көрермендердің қатысуымен арнайы "Пікр алаңы" ұйымдастырылды. Пікір алаңын әдебиет бөлім меңгерушісі, мемлекеттік "Дарын " жастар сыйлығының иегері Манарбек Қыдырбайұлы жүргізді. Жиын барысында көрермендер жүрек тебірентер қойылым жайлы ойларын ортаға салды.