18.04.2022

Атырау сапары мәресіне жетті

Сәуір айының  14-17 күндері  аралығында Шахмет Құсайынов  атындағы Ақмола облыстық қазақ музыкалық драма театры Махамбет Өтемісұлы атындағы Атырау облыстық академиялық қазақ драма театрына  арнайы гастрольдік сапармен барды.  Сапар барысында Шахаң театры ұжымы  14 сәуір  Ерсайын Төлеубайдың "Алдаспан" драмасын, 15 сәуір Людмила  Разумовскаяның  "Емтихан" драмасын,  16,17 сәуір балалар мен жасөспірімдерге арналған Мария Машадудың "Бразилия байлығы" ертегісін ойнады. Қойылымдар Махамбет Өтемісұлы атындағы   академиялық қазақ  драма театрының сахнасында ойнады.  Көкшеліктердің өнерін Атыраулықтар ыстық ықыласпен қабылдады.