жаналыктар

вход на сайт

Регистрация Забыли пароль?
22.12.2020

ҚАЗАҚ ТЕАТРЫНЫҢ СИЫР ЖЫЛЫНА ЖОСПАРЫ

Шахмет Құсайынов атындағы облыстық қазақ музыкалық драма театры ұжымы осы күнге дейін жемісті қызмет етіп, ел руханияына өлшеусіз үлес қосып келеді. Алдағы 2021 жылдан да өнер ордасының күтер үмітімі зор. 2021 жыл қазақ театры үшін орны бөлек мереке мен берекеге толы жыл болмақ. Сиыр жылында театрдың көрерменге ұсынар сый - сияпаты жетерлік. Басты жаңалықтың бірі 2021 жылы Көкше төріндегі қазақ театрының ірге тасының қаланғанына 25 жыл толады. Осынау мерейлі датаға орай қыркүйек айында аймақтық театрлар фестивалін ұйымдастыру жоспарлауда. Сонымен қатар көрермен көңілін көтеріп жандарына шуақ сыйлау үшін әлемдік классикаға айналған комедиялық шығармалармен қатар қазақ драматургтерінің сапалы драмаларын сахналамақ. Атап айтсақ 2021 жылдың ақпан айында Ж.Б Мольердің " Сараң" комедиясын, наурыз айында У. Шекспирдің "Дуалы күнгі думан " комедиясын, сәуір айында Ә.Бағыдаттың "Бақтан өткенде" драмасын, мамыр айында М.Бартлеттің "Келісімшарт " драмасын, қыркүйек айында тәуелсіздікдің 30 жылдығына орай қазақ авторларының шығармаларының желісімен "Қазақтар" тарихи - қахармандық хроникасын, қараша айында Ағайынды Гримдердің "Бұрқасын Ханым " ертегісін , желтоқсан айында "Тамаша " концерттік бағадарламасын даярлап ұсынбақ. 

Сондай - ақ театрдың 25 жылдық мерейтойына орай сәуір, маусым, қазан айларында Павлодар, Нұрсұлтан, Атырау қалаларына гастрольдік сапар жасауды жоспарласа, наурыз айында театр труппасы Стпенияк, Зеренді, Макинка аудандарындағы көрермендермен қауышпақ ниетте.
2021 жылдың қазан айында театрымыздың негізін қаласушы талантты актриса, ҚР Мәдениет қайраткері Жанар Құсайынованың 50 жасқа толуына орай мерекелік кеш өткізілмек. Мерейтой қарсаңында А. Цагарелидің "Ханума " музыкалық комедиясы көрерменге ұсынылады деп жоспарлануда. Жоғарыдағы іс - шаралармен қатар еліміздегі ірі мерекелік даталарға орай түрлі форматтағы шығармашылық жұмыстар жасалмақ .