жаналыктар

вход на сайт

Регистрация Забыли пароль?
11.12.2020

АЗАТТЫҒЫМ АЙБАРЫМ

       Тәңірдің тәтті сыйы азаттықтың ақ таңы әр қазақ үшін қастерлі де қасиетті ұғым... Талай жыл шынжыр бұғауда болып, түрлі тауқымет пен адам төзгісіз азаптарды бастан кешіп, мың өліп мың тірілген көк бөрі текті халықтың тәңір тілеуін берді... Ақ найзаның ұшымен, ақ білектің күшімен бабаларымыздың қорғаған жері, қазақтың құнарлы тілі мен ділі бізге зор аманат. Бұны біз жан жүрегімізбен сезінуге тиіспіз...

    Егемендік алғалы бері еліміз етек - жеңін жинап биіктерге құлаш сермеді. Елбасымыздың көреген саясатының арқасында алып елдермен шекарамызды шегендеп, шеттегі қандастарымызбен қайта қауыштық. Айналдырған 29 жыл ішінде талай асуды бағындырған қазақты күллі әлем танып, әсем Астанасы бой көтеріп биіктен көрінді. Одан қалды жойылуға шақ қалған ұлттық әдет ғұрыптарымыз бен мәдениетіміздің, тіліміз бен діліміздің бойына қан жүгіріп қайта қалпына келе бастады. Бұның бәрі ең әуелі қазақтың маңдайына біткен кеменгер ұлы Әбішұлы Нұрсылтан Назарбаевтың білімдарлығының бейнесі.

      Тұғырлы тәуелсіздіктің тамаша тартуындай болып көптеген мәдени нысандар бой көтерді. Солардың бірі бүгінде руханияттың алып ордасына айналған Көкшетау қаласындағы Шахмет Құсайынов атындағы облыстық қазақ музыкалық - драма театры. Театр 1996 жылдан бері азат елдің айбынын асырып ұлттық руханиятқа өлшеусіз үлес қосып келеді. Бүгінде театр репертуарында 200 - ге жуық түрлі жанрдағы қойылымдар бар. Олардың барлығы дерлік көрермен көңілін шығып келеді. Театр - халықаралық және республикалық байқауларға қатысып тәуелсіз елдің мерейін асқақтатып жүр. Шығармашылық ордасы жылдан - жылға шыңдалу үстіне. Деседе қай сала болмасын биылғы жыл оңайға соқпай тұр. Әлемді сарсаңға салған індет күллі әлемге берілген сынаққа айналғандай. Бұл сынақтан сүрінбей өту бар алаштың басты мақсаты.

    Ш. Құсайынов атындағы облыстық қазақ музыкалық - драма театры да бұл сынаққа өзінше төтеп беруде. 2020 жылдың наурыз айынан бастап театр ұжымы көрермен қауіпсіздігі үшін (онлайн) қашықтан жұмыс жасап келеді. Шығармашылық ұжым , көңілі алаң көрерменге онлайн форматтағы түрлі тәсілде өнер көрсетіп тоқтаусыз қызмет жасауда. Мәселен театр өзінің кезекті XXIV – ші театр маусымын 16 –шы қыркүйек күні Рэй Кунидің «№13» комедиясының онлайн премьерасымен ашты. (Режиссері: ҚР Еңбек сіңірген қайраткері Мұратбек Оспанов, қоюшы суретшісі Жарасхан Исин.)

    Сондай-ақ театрдың сайты мен ютуб каналы арқылы театр қоржынындағы спектакльдер арнайы онлайн репертуар бойынша күн сайын көрерменге ұсынылуда. Мерейлі даталарға орай театр артистері түрлі жанрдағы онлайн жобаларға ат салысып тынымсыз ізденіспен өз көрерменін қуанышқа бөлеп келп келеді. Осы күнге дейін төмендегі онлайн жобалар жүзеге асуда. Атап айтсақ " Театр сіздің үйіңізде " онлайн спектакльдер, "Абай айтқан асыл сөз " абай өлеңдерін оқу челленджі, " Талант тұғыры " сұхбат бағдарлама, "Кітап оқы, Тұлғаны таны " кітап оқу челленджі, "Сырлы сөз" бейне поэзия жобасы мен қатар театр басшысы Мұратбек Үкібайұлы Оспановтың бастамасымен қысқа метражды фильмдер мен әлеуметтік роликтер түсірілуде.

   Алдағы уақытта да теар ұжымы қандай қиындық болсада өз жұмысын зор жауапкершілік пен жалғасра бермек. Қандай да бір қызық - қуанышқа қол жеткізіп бейбіт күнде күн кешуіміз азаттықтың ақ таңының арқасы деп білеміз. Елді сарсаңға салған бұл күндерді де қасқыр қанды қазақ жеңеді деп сенеміз. Азаттықтың айбары аласармасын!
   Бейбіт еліміздің аспаны ашық болып, көк байрағымыз биікте желбірей берсін!!!