жаналыктар

• 30.06.2026 «Дарын» мемлекеттік жастар сыйлығын тағайындауға байқау жарияланды.
  Талантты жастарды мемлекеттік қолдау мақсатында тағайындалады.
• 18.06.2026 "Адалдық өзіңнен басталады" жобасы
  "Тендерге түскен келіншек" драмасы, авторы М.Сарсекеев, қоюшы-режиссері:О.Кенебаев
• 17.06.2026 «Жан жылуы» атты қайырымдылық концерттік бағдарлама
  Щучинск қаласында,
• 17.06.2026 Гастрольдік сапар Бурабай ауданы Щучинск қаласы
  "Өтелмеген парыз" драмасы Авторы:Т.Әбдік, қоюшы-режиссері:Б.Шамбетов

ЕСТЕН КЕТПЕС КҮН

       Шахмет Құсайынов атындағы облыстық қазақ музыкалық драма театр ұжымы қаңтар айының 11-ші жұлдызы күні тұмса табиғатымен көз арбайтын Зеренді елді мекеніндегі «Сұңқар» сауықтыру кешенінде көңілді демалып қайтты. Ең алдымен сананы сергітіп  жанды жадырататын керемет демалысты жоғары деңгейде ұйымдастырған театрымыздың кәсіп одақ комитетіне алғыс білдіреміз. Демалыс барысында қаладағы қалыпты тірлікті ысырып тастап,  рауандап атқан қысқы таңның шапағына шомылып, таудың саф ауасын жұтып, үлкен кішімізге қарамай бала кейіпке еніп қардан сырғанап ойнадық. Сырғанақтан шыға сала, зеңгір көкке қол созған қарағайлардың арасымен шаңғы теуіп бойымызды қыздырып энергия жинадық. Түс ауа ыстық моншаға кіріп бассейінге шомылып армансыз тынықтық. Бұл сауықтыру кешенінде демалушыға барлық жағыдай жасалған екен, мәселен  бір сәт көз шырымын алам десең тынығу бөлмесі бар. Соны мен қатар денемді шынықтырам десең жаттығу залына баруыңа болады.  Жаттығу залында  зіл темір мен қатар  тенис, бильярд  және тағы басқа жабдықтармен жасақталған. Көңілің қалағанымен айналыса аласың. Театр қызметкерлері күн батқанға дейін  көңілдері қалауынша демалып жұмыстан тыс емен-жарқын әңгімелесіп риясыз ойнап күлді. Демалыс кешенінен үш мезгіл дәмі тіл үйірер ыстық тағамдар ұсынылды. 

        Осылайша 2020 жылдың басы ұжым үшін ғаламат көңіл күймен басталды. Бұл бір естен кетпес күн болды.