20.05.2019

ҚЫЗЫЛЖАРДАҒЫ САПАР СӘТТІ АЯҚТАЛДЫ!!!

      Шахмет Құсайынов атындағы облыстық қазақ музыкалық –драма театры 14,15,16,17- ші мамыр күндері Солтүстік Қазақстан облысының Қызылжар (Петропавл) қаласында гастрольдік сапарда болып қайтты. Төрт күнге созылған сапардың алғашқы күні әртістер қала балабақшаларында В. Орловтың «Алтын балапан» ертегісін ойнатып балақайларға шаттық сыйлады. (Реж. Болат Абдрахманов) Ал ересектерге арналған қойылымдардың барлығы Сәбит Мұқанов атындағы облыстық сазды-драма театрының сахнасында ойналды. Атап айтсақ  Ш.Хусаиновтың «Анамның ақ көйлегі» драмасы, (Реж.Мұхиджан Изимов) С.Раевтың «О, Қыздар» драмасы, (Реж.Ф.Қанафин) У. Шекспирдің «Ромео & Джульетта» трагедиясы (Реж.Д.Жумабаева) сәтті  ойналып Қызылжарлық көрерменнің көңілінен шығып, ыстық ықылас пен зор қошеметке бөленді!