жаналыктар

• 20.08.2026 20 тамыз күні Спорт күніне орай "Спорт – сергектік пен салауатты өмір салтының кепілі!" атты
  Шахмет Құсайынов атындағы облыстық қазақ музыкалық-драма театрының ұжымы театр ауласында таңғы жаттығу өткізді.
• 19.08.2026 «Мектепке жол» Республикалық акциясы аясында
  "Жақсылық жаса — жүрекке жылу сыйла!" акциясы өтті
• 14.08.2026 "Спорт – денсаулық кепілі!" атты
  Жаңа жағалауында облыс әкімі Марат Мұратұлының қатысуымен бұқаралық спорттық іс-шара өтті.
• 10.08.2026 10 тамыз – ұлы ақын, ойшыл, ағартушы Абай Құнанбайұлының туған күніне орай
  «Ескендір» поэмасының оқылымы өтті.

"Сал - серілер" драмасы

Ш.Құсайынов атындағы облыстық қазақ музыкалық драма театры XXII - маусымын «Сал-серілер» драмасымен ашты. Су жаңа драманың тұсау кесері 3,4,7 –ші қазан күндері болып өтті. Қойылымға театр актерлерінің барлығы дерлік қатысып, көрерменнің зор қошеметі мен ыстық ықыласына бөленді. Жаны жайсаң, талғамы биік Көкше көрермендері үшін бұл үлкен қуаныш болды. Даланың дара дарындарының өмірі мен өнері  кім-кімді болмасын қызықтырары сөзсіз. «Сал-серілер» драмасы Біржан сал, Ақан сері, Үкілі Ыбырай, Балуан шолақ өмірлерінің ең бір қызықты әрі сезімге толы сәттерін бір арнаға тоғыстырған қойылым ретінде көрермен көкейіне қуаныш сыйлады. Тұсау кесердің алғашқы күні Ақмола облысының әкімі Мәлік Мырзалин қойылымды тамашалап, театр ұжымына шығармашылық табыс тілеп, ықылас гүлін табыс етті.