15.01.2016

"Махаббат FM" комедиясының премьерасы!

Режиссер Фархадбек Қанафин татар драматургі Ильгиз Зайниевтің пьесасы бойынша «Махаббат ФМ» спектаклінің қойылымына кірісті. Спектакльдің сценографы – Ләйлә Нәбиева, костюмдер бойынша суретші – Маймұра Топанбаева. Комедияның желісі бойынша жас радиожүргізуші Ильяс заманауи «жұлдыздылыққа» салынған жастардың бірі. Бас кейіпкер рольдерді жұмысында ғана емес, өмірде де ойнайды. Бұл жалған өмірде шынайы махаббаттың жоғына сенімді Ильяс дыбыс режиссеры Шолпанға өзі білмей ғашық болып қалады. Бірақ ішкі сезімін қызға ақтарғысы келмейді. Пьесаның соңы сәтті. Ильяс пен Шолпан қосылады.

Режиссердың айтуынша қойылатын спектакльдің идеясы – махаббатқа адал болу, оны аялау. Қойылым жас көрерменге арналған.

Комедияның премьерасы ақпан айының соңында шығады. Көрермендерді «Махаббат ФМ» спектакліне шақырамыз.