жаналыктар

вход на сайт

Регистрация Забыли пароль?
16.10.2015

Ақмола облысының Алматы қаласындағы мәдени күндері

Құрметті Алматылықтар және қала қонақтары!Халықаралық және Республикалық театр фестивальдерінің жүлдегері Көкшетау қаласының Шахмет Құсайынов атындағы Ақмола облыстық қазақ музыкалық драма театры өзінің таңдаулы қойылымдарымен 2015 жылдың 26,27,28 қазан күндері Тұңғыш рет Алматы қаласына гастрольдік сапарын жасамақ!Келесі афишаға сәйкес қойылымдар Ғабит Мүсірепов атындағы Қазақ Академиялық балалар мен жасөспірімдер театрында жұрт назарына ұсынылмақ!26 қазан күні Қазақ хандығының 550 жылдығына орай қазақ халқының дана перзенті, Үш жүздің басын қосып, елінің бірлігін аңсаған ұлы Абылай ханның қайраткерлік қалыптасуы жайында Сәкен Жүнісовтің "Абылай" тарихи толғауын(режиссері Мұратбек Оспанов) ұсынады. 27 қазан күні Кеңестік тоталитарлық жүйенің қысымымен Қазақ жерінің шұрайлы өлкелерін бөліп алып,өзге елге қоспақшы болған сұрқия саясатқа қаймықпай қарсы шығып, елі мен жерінің тұтастығын сақтап қалған қазақтың арда ұлы мемлекет және қоғам қайраткері Жұмабек Тәшенов жайында Ерсайын Төлеубайдың "Алдаспан" драмасы ойналады.28 қазан күні Отбасы құндылығы мен Ана тақырыбын тереңінен толғайтын Ш.Құсайыновтың "Анамның ақ көйлегі" драмасы(режиссері-Мұхитжан Изимов) ойналады.Үш күн бойы жас көрермендерге Эндрю Стентонның "Ойыншықтар оқиғасы" ертегісі ұсынылмақ.